Archives par mot-clé : پٹنہ

مقدمہ ۔ بہار کی تاریخ ساز مسجدیں

 

Haque, Shahzaman (2023). « Muqadma » (Préface). Historical Mosques of Bihar (en ourdou) de Dr. Shahnawaz Haque. Patna : AIMEEIS, v-xii.

پروفیسر شاہ زماں حق

شعبہ صدر اردو

انالکو، پیرس، فرانس

ستمبر ۲۰۲۳، پیرِس، فرانس

 

              میرے والد محترم ڈاکٹر شاہ نواز حق (مرحوم)کی تمام زندگی اعمالِ صالحہ میں گزری۔اُن کو  مسجدوں سے   خاصا لگاؤ تھا ۔ بہ طور محقق شعبہ قدیم تاریخ  وآرکیولوجی،  پٹنہ یونی ورسٹی سے ماسٹر کی سَند حاصل کرنے کے بعد اُنھوں نے   کچھ ماہ آثار ِقدیمہ علی گڑھ کے ایک پروجیکٹ   پر کام کیا ۔ یہ سنہ ۱۹۷۲ء  کی بات ہے ۔ پھر سیوان کے ایک کالج زکیہ آفاق اسلامیہ میں اُن کا  بہ طور تاریخ کے لکچرر   تقرر ہوا ؛ لیکن اُن کو سیوان کی آب و ہوا راس نہ آئی  ،اس لیے     وہ اس ملازمت سے   دست بردار ہو کر  واپس پٹنہ تشریف لے آئے ۔ ۱۹۷۵ء  کے اوائل میں انھیں   خیال آیا کہ مساجد پر تحقیق کا کام کیا جائے جو بہار کی سر زمین کے لیے اپنی نوعیت کا ایک منفرد کام   ہوگا    کیوں کہ انفرادی سطح پر    مشہور و معروف مساجد  کی تاریخ پر  توکتابیں   موجود  ہیں ؛لیکن کسی خطّے یا صوبائی لحاظ سے   مساجد پر تحقیق  چندِ معدوداں ہے ۔ تقسیم ِہند کے بعد ۱۹۷۶ء  میں ’’لاہور کی مساجد‘‘ طبع اوّل  شایع ہوئی ،جو میری دانست میں   اس نوعیت کی پہلی کتاب تھی ۔ اس کے بعد کتاب کی دوسری اشاعت  ۱۹۷۷ ء    میں  عمل  میں لائی گئی   ۔ یوں  دیکھا جائے تو  اس دورانیے  میں  اب تک بہار کی مساجد پر کوئی  تحقیقی   کتاب  منظرِ عام پر  نہیں  آئی ۔

              ڈاکٹر شاہ نواز حق (مرحوم ) نے     جب   اس موضوع  پر مارچ  1975ء تحقیق کا کام   شروع کیا تو تب  ان  کے پاس کوئی ذریعہ معاش  نہیں تھا۔   فروری ۱۹۷۶ میں پٹنہ مسلم ہائی اسکول میں بہ طور تاریخ کے استاد ، اُن کا تقرر ہوا  ۔ اس  ملازمت سے قبل  انھوں نے اپنے   نجی وسائل سے بہار کی مساجد کا دورہ کیا۔ انھیں   ملازمت  کی وجہ سے  فیلڈورک کے لیے وقت کی کمی کا مسئلہ در پیش رہا  کیوں  کہ  اسی دوران  اُنھوں  نے   پی ایچ۔ ڈی کے لیے تاریخ و آرکیلولوجی شعبہ، پٹنہ یونی ورسٹی، پٹنہ   میں  داخلہ  لے لیا ۔  پی ایچ۔ڈی   کا  موضوع  ِتحقیق ”چاناکیہ کی سیاست “پرتھا جو انھوں نے بہ خوبی  احسن    ۱۹۸۴ میں پورا کر لیا ۔

               اُنھوں  نے مساجد کی  تحقیق میں   کڑی محنت  کا ثبوت دیا اور  اس کام کو عملی جامہ پہنایا ۔ جب یہ کتاب منظر عام پر آئی تو اُسے علما  ، دانش وروں اور عوام سے زبردست پذیرائی ملی ۔  اس کی غیر معمولی مقبولیت کی کام یابی کا اندازہ اس بات سے  بھی لگایا جا سکتا ہے کہ آج  چھیالس سال بعد بھی  اس کتاب کی مانگ ہے ۔ والد گرامی کی وفات (اپریل ۲۰۲۱ء ) کے بعد مجھے  انڈیا  سے دو تین  مرتبہ فون  آیا   کہ   اس کتاب کا نسخہ کسی کتب خانے میں دست یاب ہے یا نہیں؟ریختہ   ویب سائٹ    پر اس کتاب کا ایک نسخہ موجود ہے جہاں سے آن لائن مطالعہ کیا جا سکتا ہے ۔ بقول سیّد راشد حسین :اس کا ایک نسخہ بہار اردو لائبریری، پٹنہ میں بھی  ہے ؛ لیکن یہ بات تصدیق نہیں ہو پائی ہے۔   ایک اور نسخہ  خدا بخش  لائبریری پٹنہ   میں بھی موجود ہے۔

موجودہ دور میں ہندوستان  جو تشویش ناک ماحول بنا  ہوا ہے اُس میں شمالی ہند کی مسجدیں شر پسندوں اور کئی ہندواتو تنظیموں کے حملے کی زد میں آگئیں ہیں۔  نیز کچھ مہینے قبل بہارشریف کی مسجد  مرارپور   کو نذر ِآتش کر دیا گیا ۔ جس وقت میں یہ مضمون لکھ رہا  تھا ، نوح ہریانہ میں ایک نائب امام جن کا تعلق بہار سے تھا،    ہندواتو تنظیموں کے دہشت پسند گروہ  نے انھیں قتل کر دیا  ۔ آج سے تقریباً ۳۱ سال قبل بابری مسجد کو تاریخ کے پنّوں میں سپرد کر دیا گیا اور اب گیان واپی مسجد کا ایک  نیا شوشا کھڑا کر دیا گیا ہے ۔ میرا سارا بچپن بابری مسجدکی سیاست، جھگڑا، رتھ یاترا اور اُس کی شہادت کے بعد ہوئے فساد کا گواہ رہا ۔ اس تناظر میں  ہندوستان میں مساجد کی اہم اور انمول تاریخی بقا کے لیے تحقیقی کام لازمی ہو گیا ہے ۔اس حوالے سے  والد مرحوم کی یہ کتاب  ایک قیمتی سرمایہ ہے ۔ مصنف نے پٹنہ کی تاریخی عظمت اور  مسلم حکم رانوں کے ذوقِ تعمیر کا اختصار کے ساتھ ایک بہترین نقشہ کھینچا  ہے ۔

بہار میں دوسرے صوبوں کے مانند ہزاروں کی تعداد میں مساجد موجود ہیں؛ لیکن اُن کا صحیح شمار آج آسان امر نہیں ہے ۔  مورخہ۶ ستمبر۱۹۹۵ء  کو راجیہ سبھامیں مسجدوں کی   تعداد پر پوچھے گئے سوال پر جواب موصول ہوتا ہے کہ ملک بھر میں ۲۶۶ مساجدمرکز کے تحفظ میں ہیں۔ (محکمہ آثار قدیمہ) جن میں سے بہار کی تین مساجد  شامل ہیں (جمعہ مسجد حاجی پور، میراشرف کی جمعہ مسجدپٹنہ اور جامع مسجد، ہدف) ۔  اس کتاب میں اُن مساجد کا ذکر کیا گیا ہے جو تاریخی اہمیت کی حامل تھیں تاہم سیکڑوں مساجد  اوربھی ہیں جن کا سروے نہیں کیا جا سکا تھا ۔

یوں  مجموعی طور پر  اس کتاب میں بہار  کی  ۲۳۴   تاریخ ساز مساجد کے نام  موجود ہیں جن میں سے پٹنہ کی ۱۰۰ مساجد کے نام الگ سے درج ہیں ؛لیکن اب پٹنہ شہر کافی وسیع ہو گیا ہے ،اس لیے اس میں اور بھی بہت ساری مسجدیں شمار ہوں گی۔ منیر شریف کی ۱ٹھارہ مساجد کا تذکرہ موجود  ہے ؛لیکن یہاں کی بقیہ  مساجد کے نام درج نہیں ہیں ۔  چارمساجد کا حوالہ  کتبوں کی تاریخ سے دیا گیا ہے اور دو مساجد کا ذکر ایک خط کے حوالے سے کیا گیا ہے ۔ بھاگل پور کی بیس مساجد میں   سےصرف سترہ کا نام دیا گیا ہے اور طباعت کی چُوک سے تین نام حذف ہو گئے ہیں ۔ اگرچہ اِن میں بہت ساری مسجدیں   آباد ہیں لیکن  ان کے حوالے سے کوئی  معلومات نہیں دی گئیں ؛لیکن ۲۴ مساجد غیر آباد ہیں اور  پٹنہ کی  چھےمساجد(کتھک تلے کی مسجد، گائے گھاٹ کی مسجد، ویران مسجد،  چھوٹی مسجد، ویران مسجد،  بی بی شرفو کی مسجد)  پر غیر مسلموں کا قبضہ ہے ۔

اس کتاب میں تحقیق  کا عمل  بہت باریکی  ، ان تھک جدوجہد اور لگن سے کیا گیا ہے ۔ تحقیق کے اس عمل  میں کتبوں کا جائزہ (زبان، طول و عرض)، مساجد کا رقبہ، مساجد میں لگے پتھروں کا جائزہ، مساجد کے اندر کی ساخت و تعمیر کا فن (محراب، دروازہ، پایہ، گنبد، منارہ، کھمبا، صحن، دیوار پر نقّاشی، حوض )،  مساجد کی دیواروں پر کندہ عبارتیں،  تاریخ تخریب، مساجد کے  متولی یا امام یا   ارد گرد میں رہنے والے لوگوں سے  گفت وشنید  اور مورخین و ان کی تحاریر / مخطوطات اور سندیات نیز خطوط و مراسلات  کا بھی سہارا لیا گیا ہے ۔سیّد راشد حسین اور ڈاکٹر تنویر شہاب بتاتے ہیں کہ ڈاکٹر شاہ نواز حق   (مرحوم )نے کیمرےکی مدد  سے اُس زمانے میں کتبوں اور مساجد کی تصاویر بھی لیں ۔یوں اس کتاب میں نظریہ کلیّت سے طریقیت کو اپنانے میں ترجیح دی گئی ہے  اور یہی امر اِس کتاب کا سب سے بڑا وصف ہے۔

مساجد کی تحقیق کے اس کام میں کتبوں کی اہمیت کو تسلیم کیا گیا  ہے۔  علاوہ ازیں فارسی اور عربی کتبوں کا بالرتیب  اُردو ترجمہ   کیا گیا ہے ۔ یہاں یہ نکتہ ملحوظ رکھنا چاہیے کہ مصنف فارسی و عربی زبان سے مکمّل طور پر دست رس نہیں رکھتے تھے ۔ بقول ڈاکٹر تنویر شہاب :اس ضمن میں جناب عبید الحق، پروفیسر ڈاکٹر محمد محسن اور پرفیسر انوار الاحمد کی راہ نمائی اہم ہے  ۔ کتبہ کسی بھی عمارت کی تاریخ کی عکاسی کے لیے ایک سند اور دستاویز کی حیثیت رکھتا ہے ۔ یاد خاطر  رہے کہ پروفیسرامتیاز احمد (۱۹۹۸ء)نے بھی کتبوں کی بنیاد پر اپنے مضمون میں پختہ حوالہ دیا ہے کہ  جن مساجد میں کتبہ نہیں تھا اُن کی تاریخ کے بارے میں  ٹھوس معلومات کا فقدان رہتا ہے کہ اُن کی تعمیر کس سنہ میں ہوئی اور تعمیر کس نے کروائی ۔نیز کتبہ  موجود نہ  ہونے  کی وجہ سے  یہ خطرہ لاحق رہتا ہے کہ مسجد پر کسی اور مسلک کی عبادت گاہ ہونے کا دعویٰ ٹھونس دیا جائے حالاں کہ کتبہ موجود یا نسب ہونے پر بھی تاریخ میں ردّ وبدل کر کے یہ کام انجام دیا جا سکتا ہے۔ مثال کے طور پر اس کتاب میں پٹنہ میں مقیم خواجہ کلاں گھاٹ کے ملحقہ ایک مسجد ہے جس پر کوئی کتبہ موجود نہیں  اور تعمیر سے متعلق معلومات نہیں ملتی۔ کتبہ کی اہمیت کااندازہ اس بات سے بھی  لگایا جا سکتا ہے کہ امتیاز احمد کے مطابق ہلسا کی مسجد جو اب موجود نہیں ہے ؛لیکن اُس کا کتبہ اُس کے متولی کے گھر سے برامد ہونے پر مسجد کے بارے میں اہم معلومات حاصل ہوئیں۔امتیاز احمد کے والد پروفیسر قیام الدّین احمد(۱۹۷۳ء )  کا بھی عربی اور فارسی کتبوں پر ایک اہم اور ضخیم شاہ کار ہے۔ بقول ڈاکٹر تنویر شہاب :انھوں نے یہ کام بہار کے قبروں پر کیا تھا ؛ لیکن اصل میں اُس میں مساجد بھی شامل ہیں جسے کافی مقبولیت حاصل ہوئی اور بہت ممکن ہے کہ میرے والد مرحوم بھی اس کتاب سے متاثر ہوکر اسی نوعیت کا کام مساجد پر کرنے کا خیال اُن کے دل میں آیا ہو ۔  جناب سیّد شاہ منور حسن   نےکتبوں کے تناظر میں دو اہم کتابوں کا حوالہ دیا ہے جس کو نظرانداز نہیں کیا جا سکتا  ۔ اوّل تو فصیح الدّین بلخی کی کتاب  (۱۹۹۳) ’’پٹنہ کے کتبے‘‘ جس میں مسجد، قبر، مزار، درگاہ، عیدگاہ، عمارت  وغیرہ جیسے اہم مقامات کے کتبوں کی تاریخ پر ایک نہایت اہم تحقیقی کارنامہ ہے   حالاں کہ ان کتبوں کا ترجمہ اس کتاب میں نہیں دیا گیا ۔ دوم سیّد محمد کی کتاب  ’’ اولڈ انسکرپشن ایٹ پٹنہ‘‘ (انگریزی عنوان) (۱۹۹۳ء)بھی  بہار میں کتبوں پر  پہلا تحقیقی عمل بتایا جاتا ہے کیوں کہ مصنف کی وفات ۱۹۳۰ ء میں ہو گئی تھی جب انھوں نے یہ کام انجام دیا اور تقریباً ساٹھ سال کے بعد خدا بخش اوری اینٹل پبلک لائبریری نے اس کتاب کو شایع کیا ۔

اس کتاب میں کتبوں کی تناظر میں ایک اور امر یہ مترشح  ہوتا ہے کہ زبان اور اُس کا رسم الخط کا مقام کافی اہمیت کا حامل ہوتا ہے ۔ امروزہ میں جہاں ہماری نوجوان نسل اردو اور اُس کے رسم الخط سے رفتہ رفتہ نا آشنا ہو رہے ہیں  (شاہ زماں حق ۲۰۲۳ء ) ان کے لیے   یہ کتاب  سبق آموز ہے کہ کس طرح ہماری تہذیب، مذہب  و ثقافت کا ایک اہم حصّہ/ ورثہ ہماری مادری زبان بھی ہے۔

کچھ مساجد جس کا ذکر اِس کتاب میں ہوا ہے اُن پر تاریخ  کی روشنی میں دوسرے محققین نے  بھی جائزہ لیا ہے اور مزید معلومات فراہم کی ہیں ۔  بہار کی مسجدوں کو تحقیق کے آئینے میں مرزا معصوم کی مسجد (شاہ نواز حق ، ۱۹۷۷،ص  ۱۶) کے بارے میں پروفیسر امتیاز احمد (۱۹۹۸) لکھتے ہیں کہ :یہ مسجد مرزا معصوم نے 1614 ء سے  ۱۶۱۷ء   کے درمیان بنوائی تھی ۔ موصوف پٹنہ میں ۱۶۱۳ء  میں قیام کرنے آئے تھے ۔امتیاز احمد کے بقول مغل بادشاہ شاہ جہاں کے دورِ حکومت  میں  جب سیف خان(۱۶۳۲۔۱۶۲۸ء) صوبہ بہار کا گورنر تھا، حاجی تتار مسجد اسی زمانے میں تعمیر میں ہوئی  جس کا ذکر والد مرحوم نےص ۸۶ میں تفصیل سے کیا ہے۔ روضہ مسجد کا  تذکرہ  بھی  شامل  ہے  (ص  ۲۳۔۲۲) جس کے بارے میں امتیاز احمد لکھتے ہیں کہ یہ بہار کی شاید واحد مسجد ہے جس کی تعمیر کا سہرا مغلوں سے منسوب کیا گیا ہے اور جس کی تعمیر سنہ (۱۶۶۸۔۱۶۶۷ء) میں ہوئی  ۔ خواجہ عنبر کی مسجد  ۱۶۸۹۔۱۶۸۸ ءمیں تعمیر  ہوئی جس کا ذکر امتیاز احمد نے کیا ہے اور  مصنف نے اس اسے  بہت خوب صورتی سے بیان کیا ہے۔  علاوہ ازیں اور بھی کچھ مغل عہد کی مساجد ہیں جس کا ذکر امتیاز احمد نے کیا ہے ؛لیکن اس کتاب میں اُن مساجد کا تذکرہ  شامل نہیں کیا گیا ۔  مثال کے طور پر  حبَش خان کی مسجد، ہِلسا کی مسجد(جو مندہم ہو چکی تھی)، مخصوص خان کی حاجی پور میں مسجد (کھنڈر حالت)، بہار شریف میں شیخ فرید کی مسجد، سہسرام میں علی اکبر کی مسجد، بہار شریف میں حبیب خان سُور کی مسجد، مُنگیر میں راجہ بہروز کی مسجد، پَلامُو میں داؤد خان قریشی کی مسجد، صادی خان کی مسجد اور شریف خان کی مسجد  ۔ اس کتاب میں مصنف نے بزرگ امید خاں کی مسجد پر ایک عمدہ تبصرہ کیا ہے لیکن امتیاز احمد کے مضمون میں بزرگ امید خان کا صرف نام درج ہے اور انکی بنائی ہوئی مسجد پر کچھ نہیں کہا گیا ہے ۔

مفتی محمد ظفرالدین نے سنہ ۱۹۹۰ میں ’’تاریخ مساجد‘‘ کے نام سے ایک کتاب شایع کی جس میں بہار کی سات مساجد کا ذکر کیا گیا  ہے  جن میں   پتھر کی مسجد، سیف خاں کی مسجد، مسجد فخرالدولہ، مسجد بزرگ امید خاں، جامع مسجد خانقاہ رحمانی، سنگی مسجد حاجی پور اور شاہی مسجد مکندرپور چک نعمت  شامل ہیں(آخر کی دو مساجد کا تذکرہ والد کے کتاب میں بدقسمتی سے نہیں ملتا ہے ) ۔ پتھر کی مسجد کے بار ے میں وہ لکھتے ہیں (ص  ۲۲۰) کہ یہ مسجد ۱۶۲۶ء  میں تعمیر ہوئی ہے اور اُن کے بقول کتبہ کے بانی میں نظر بہادر خویشگی کا نام ہے ۔ مصنف نے اس مسجد میں  لگےکتبے کا ترجمہ کیا ہے اور ان کے مطابق یہ اہل ِتشع کی مسجد ہے اور غیر آباد ہے (ص ۱۸) ۔ امتیاز احمد لکھتے ہیں کہ یہ مسجد سنگی مسجد کے نام سے بھی مشہور ہے ۔سیّد شاہ منور حسن نے یہ بتایا کہ اگرچہ پروفیسر قیام الدّین (۱۹۷۳ء) کا کتبوں کا کام بہت وسیع پیمانے پر ہے ؛لیکن اُس میں بھاگل پور کی مساجد کا ذکر  شامل نہیں  جس کی  کمی  والد مرحوم   کی   اس کتاب  میں پوری ہوتی دکھائی دیتی ہے ۔

اس کتاب کی طباعت کے چھیالس سال کے بعد آج صرف بہار ہی نہیں بل کہ پورے ہندوستان میں مسجدوں پر اس نوعیت کی تحقیق کافی ضروری ہو گئی ہے تاکہ نہ ہی صرف اُن کی حفاظت  و نگہداشت ہو سکے بل کہ وہ بھی تاریخ کا ایک اٹوٹ حِصّہ بنیں اور آرکیولوجیکل سروے آف انڈیا کے زیر ِانتظام اُن کی شناخت برقرار رہے ۔ نیز آج اس کتاب کی تناظر میں یہ بھی جاننا اہم ہے کہ جو مساجد ۱۹۷۵ ء میں آباد تھیں یا غیر آباد (مثال کے طور پر امید خاں کی مسجد، پٹنہ سیٹی) یا جہاں صرف جمعے کی نماز ادا کی جاتی تھی (مثال روضہ مسجد، پٹنہ سیٹی) اُن مسجدوں کی آج کے دور میں کیا خبر ہے ؟ کیا اِن میں سے جو مساجد آباد تھیں کیا وہ غیر آباد ہو گئی ہیں؟  اور جو غیر آباد یا اُس زمانے میں مخدوش حال میں تھیں (آمنے سامنے کی مسجد، احمد علی خاں کی مسجد)  کیا وہ آج بھی موجود ہیں یا مسمار کر دی گئی ہیں ؟ بہت ساری مساجد کے بارے میں اس کتاب میں یہ بھی درج ہے کہ بہار کے ۱۹۳۴ ء کے زلزلے میں انھیں شدید نقصان پہنچا تھا تو آج ان مساجد کے کیا حالات ہیں ؟ آج وہ کون سی مساجد ہیں جو محکمہ آثار قدیمہ کے زیرِسایہ   تحفظ  میں ہیں یا برباد ہو رہی ہیں ؟غرض مساجد  کی گزشتہ اور موجودہ حالت میں کتنا فرق آیا ہے؟

میں ڈاکٹر افتخار اسد اللہ کا بے حد شکر گزار ہوں کہ اُنھوں نے اس کتاب کو ایک نئی زندگی عطا کر کے مجھے ، میرے والد  ڈاکٹر شاہ نواز حق (مرحوم)کو ان کی  عظمت اور تحقیقی جذبے کو خراج ِعقیدت پیش کرنے کا موقع  فراہم کیا ۔یہ ”مقدمہ “اس ضمن میں میری ایک ادنیٰ سی کاوش ہے ۔ میں امید کرتا ہوں کہ مسجد اور تاریخ کے تحقیقی شعبے میں، خصوصاً بہار کی مساجد پر جہاں تحقیق کا کافی بہران ہے، ایک نئی امنگ پیدا ہوگی۔ یہ بھی امید کرتا ہوں کہ اس نئے ایڈیشن سے نہ صرف برصغیر  پاک و ہند    بل کہ عالمی سطح پر بھی محقق ودانش ور مستفید ہوں گے اور اس کام کو آگے بڑھایا جائے گا ۔

حواشی

 

ڈاکٹر محمد عبد الله چغتائی، ۱۹۷۶، مساجد لاہور، كتاب خانہ نورَس، لاہور ۔

مولانا مفتی محمد ظفر الدين، ۱۹۹۰، تاريخ مساجد، جلد اوُل ۔

عطا الرحمن قاسمی، ۲۰۰۰، پنجاب و ہریانہ کی تاريخ مساجد، بنجاب وقف بورڈ، نئی دہلی ۔

عطا الرحمن قاسمی، ۱۹۹۵، دلی کی تاریخی مساجد، حصف اوّل، مولانا آزاد اکیڈمی، نئی دہلی ۔

فصیح الدّین بلخی، ۱۹۹۳، پٹنہ کے کتبے، خدا بخش لائیبریری، پٹنہ۔

Ahmad, Imtiaz (1998). The Mughal Governors of Bihar and their popular works. Proceeding of the Indian History Congress, 1998. Vol. 59, 383-393.

Asher, C. B. (1989). From Anomaly to Homogeneity: The Mosque in 14th- through 16th- Century Bihar. In Studies in art and archaeology of Bihar and Bengal : Nalinīkānta Śatavārṣikī, Dr. N.K. Bhattasali cententary volume (1888-1988) / (pp. 67–68). Sri Satguru Publications.

Dr. Tanweer Shahab. (2023). Interview on Dr. Shahnawaz Haque Biography. 16 August.

Hanoon, Sana. (2021). The mosques of colonial South Asia : A social and legal history of Muslim worship. London.

Haque, Shahnawaz. (1977). Historical mosques of Bihar. https://www.rekhta.org/authors/shahnawaz-haque

Haque, Shahzaman. (2023). https://thediplomat.com/2023/01/why-the-urdu-script-is-crucial-for-indias-cultural-diversity/

Mohammad, Syed. (1993). Old Muslim inscriptions at Patna. Khuda Baksh Oriental Public Library. Patna.

Qeyamuddin Ahmad. (1973). Corpus of Arabic & Persian Inscriptions of Bihar (A.H. 640-1200). K.P. Jayaswal Research Institute.

Syed Rashid Hussain. (2023). Telephonic interview on Dr. Shahnawaz Haque Biography. 12 August.

Syed Shah Munawar Hassan. (2023). Telephonic interview on inscription research in Bihar. 16 August.

 

انگریزی کی دھاک

Publié sur Pratalipi  

Publié sur Mukaalma.com

Le 02/06/2022

انگریزی کی دھاک

۔ ڈاکٹر شاہ زماں حق

انگریزی کوشایداگرایک لسانی وائرس کا نام دیا جائے تو غلط نہ ہوگا ۔  اِس وائرس کا شکار پندرہ سالہ لڑکا راکیش ہوا تھا جوکہ ریاست بہار کے دارالحکومت پٹنہ کے ایک نجی انگریزی میڈیم سکول میں نویں درجے کا طالب علم تھا ۔ ویسے تو راکیش ایک متوسط طبقے سے تعلق رکھتا تھا مگر باوجود اس کے، کوئی بھی گھر کا فرد انگریزی زبان نہیں بولتا تھا۔ انگریزی زبان سےبیگانگی کے باوجود انگریزی کا دخل گھر میں ٹی وی اشتہاروں اور مقابلے کے امتحانوں کے رسائل کے ذریعے ہو چُکا تھا ۔

راکیش کے والدین کی مادری زبان بھوج پوری تھی اور راکیش کو بھی بھوج پوری میں اچھی مہارت تھی ۔ بہار کے شُمال میں گوپال گنج نامی چھوٹے سے شہر سے راکیش کے والد طالب علمی کے زمانے یعنی  ستّر کی دہائی میں پٹنہ آئےاور  کچھ سالوں کی کڑی محنت کے بعد وہ بہار پولیس میں بھرتی ہو گئے ۔ اُن کی پوسٹ زندگی بھر ایک تھانے میں سب انسپکٹر کی رہی اور وہ زیادہ ترقّی نہیں کر سکے ۔ اُن کو یہی ملال رہا کہ اگر انگریزی آتی ہوتی تو محکمے میں بہتر ترقی ہوسکتی  تھی ۔ اُنہوں نے شادی اپنے گاؤں میں کی اور کچھ عرصے کے بعد اپنے دو چھوٹے بھائیوں کو بھی پٹنہ بلا لیا ۔ راکیش کے والد اپنے بھائیوں کو انگریزی پر زیادہ زور دینے کے لیے کہتے تھے ۔ اُن دونوں کا پیشہ تو کچھ خاص نہیں تھا لیکن انگریزی پر اچھی گر فت ہونے کی وجہ سے خاندان میں دونوں کی عزّت ہونے لگی ۔ دونوں کی شادی کے لیے بھی یہ نسخہ استعمال کیا گیا کہ لڑکے فر فر انگریزی بولتے ہیں ۔

اس فرنگی زبان سے لوگوں کو پٹنہ شہر میں یا بہار کےتمام حصّوں میں نہ جانے کیسی کیسی امیدیں بندھ جاتیں ۔ انگریزی بولنے والا کامیابی کی سیڑھی تیزی سے چڑھے گا ۔ ہمیشہ ایک رعب رہے گا ۔ سرکاری نوکری تو بچّوں کا کھیل ہے، نجی کمپنیاں ہاتھوں ہاتھ استقبال کریں گی ۔ انگریزی کوئی زبان نہ ہوئی بلکہ ایک شاہی پوشاک ہو گئی ۔ اِسی پوشاک کو پہننے کی اور اپنی اولادوں کو پہنانے کی ایک خواہش چلی ہوئی تھی ۔

راکیش کے والد یوں تو پٹنہ میں نوکری کے دوران ہی انگریزی کی اہمیت سمجھ گئے تھے لیکن پٹنہ آنے سے پہلے جب وہ اپنے گاؤں میں رہتے تھے تو اُنہیں ایک واقعہ یاد تھا ۔ اُن کے گاؤں میں دوگروہوں کے درمیان جھڑپ ہو گئی ۔ پولیس بھی پہنچی لیکن معاملہ سُلجھ نہیں رہا تھا ۔ اچانک ایک شخص نمودار ہوا۔ اُس نے انگریزی میں زور سے سبھی کو ڈانٹ پِلائی اور کہا ’کیپ یور ماؤتھ شَٹ‘

یہ سُنتے ہی سبھی کو سانپ سونگھ گیا ۔ یہ فقرہ کسی کو سمجھ میں تو آیا نہیں لیکن انگریزی کے رعب کا اثر فوری طور پر دکھائی دینے لگا ۔ وہاں پر کھڑے پولیس والوں نے اُس شخص کو زور دار سیلوٹ کیا اور اُنہیں ایسا لگا کہ وہ نوجوان اُن کا افسر ہو ۔

’وھاٹس دا میٹر ؟ ‘ (کیا ماجرا ہے ؟) – نوجوان شخص نے اپنی آواز میں مزید کڑک  پیدا کر تے ہو ئے کہا۔

’نو سَر، نہیں سَر، یَس سَر،  پِلیج سَر‘ ۔ ایک پولیس والے نے گھبراتے ہوئے ایک دو لفظ انگریزی میں بَڑبَڑانے کی کوشش کی ۔ اُس نے اپنے ماتحت کو کُرسی منگوانے کا اشارہ کیا ۔ کُرسی پر وہ شخص بیٹھا۔ سبھی اُس کی باتوں کو سُن رہے تھے، وہ بیٹھتے ہی بھوج پوری میں بات کرنے لگا تھا لیکن پھٹکار انگریزی میں لگاتا ۔

راکیش کے والد کو معلوم تھا کہ وہ شخص دس سال پہلے دہلی پڑھائی کرنے گیا تھا ۔ دہلی یونیورسٹی سے  فلسفہ میں ماسٹرز کرنے کے بعد وہ بیروزگار تھا۔ اپنا خرچا چلانے کے لیے دہلی کے اوکھلا گاؤں کے مُحلّے میں وہ انگریزی ٹیوشن پڑھاتا تھا۔ گھر میں اُس کے یہاں بدحالی تھی، پیسے وہ باقاعدگی سے بھیجتا نہیں تھا۔ لیکن آج اُس کا رعب دیکھ کر راکیش کے والد کو یقین ہو گیا کہ انگریزی سے معاشرے میں عزت ضرور مل سکتی ہے۔

راکیش کو انگریزی کی اہمیت کی گھُٹّی اُس کے والد نے جم کر پِلائی ۔ اُس کا داخلہ پٹنہ کے ایک نامور انگریزی میڈیم سکول کرائسٹ چرچ میں کروا  دیا گیا۔ وہاں ہندی ٹیچر کے علاوہ سارے اساتذہ صرف انگریزی میں طلبا سے گفتگو کرتے۔

راکیش کا قد لمبا، سانولا رنگ، موٹا چشمہ اور اُتنے ہی موٹے ہونٹ اُس کے منحنی سے جسم پر خوب نُمایاں ہوتے تھے۔ راکیش کو اپنے معمولی نقوش کا احساس تھا ۔ اپنی طرف ساتھیوں کو مائل کرنے کے لیے اس نے خود پر ہنس کر دوسروں کو ہنسانے کا کام شروع کر دیا۔ مزاجاً  راکیش بہت بڑا  گپّی تھا۔ اُس کا دل گپ سے کبھی نہ بھرتا ۔ گپ جیسے اُس کی زندگی کے  لیے  دوسری آکسیجن تھی ۔ وہ سکول تو  گپ  لگانے  کے لیے ہی  آتا تھا ۔

اس کے چند ہم جماعتوں میں اُس کی دوستی عرفان سے پکی ہو گئی جو اُسی کے محلّے میں دو فرلانگ کی دوری پر رہتا تھا۔ عرفان کو بھی انگریزی سے کافی لگاؤ تھا لیکن وہ راکیش کی طرح انگریزی کے نشے میں غرق نہ رہتا تھا ۔

راکیش کی کلاس میں یوں تو انگریزی پر مہارت حاصل کرنے والا ایک سے بڑھ کر ایک طُرّم خان تھے  لیکن ایک لڑکا جس کو وہ اپناگُرُو تسلیم کر چُکا تھا وہ تھا  راجیش ۔ بھاری بھرکم ضخیم بدن کا مالک، گول چہرہ، نیم سانولا رنگ، موٹے موٹے چشمے اور گھنگھریالے بال والا یہ چھ فُٹ کا ساتھی کلاس میں سب سے پیچھے والی سیٹ پر بیٹھتا تھا۔ راجیش کی اپنی ایک مُتوازی کلاس چلتی تھی جس کا موضوع شیکسپیئر کے بدنام کردار ہوا کرتے تھے۔ راجیش اُن کے بارے میں بہت پُراسرار اور دھیمی آواز میں انگریزی میں لکچر دیتا ۔ بظاہر اُس کا اپنا گروہ تھا اور اُس کے سُننے والے اُسی کے مدّاح تھے۔ درسگاہ کے کسی بھی استاد کی ہمّت نہ ہوتی کہ راجیش کو کلاس کے پیچھے بُدبُداتے دیکھ کر ڈانٹ پلائے۔ راجیش نے اپنے انگریزی کے رعب سے ان کو متاثر کر رکھا تھا۔ وہ انگریزی کے اُن الفاظ کا استعمال کرتا جس سے اُس کے اساتذہ بھی نابلد تھے ۔ راکیش، راجیش اور اساتذہ کے درمیان تکرار کو دیکھ کر خوب لطف اٹھاتا ۔ شروع شروع میں تو راکیش راجیش کے لہجے کی نقّالی کرتا لیکن انگریزی میں رفتہ رفتہ عبور حاصل کرنے کے بعد اُس نے انگریزی میں کلام کرنے کا اپنا الگ ہی انداز اختیار کر لیا۔ ہاتھوں کو اوپر کی طرف لہراتا، لمبی مُسکان کھینچتا اور اوپری جسم میں خمیدگی پیدا کرتا۔

راکیش نے غور کیا کہ سکول کے بعد یا چھُٹیوں کے دوران اُس کے انگریزی بولنے کا دائرہ تقریباً ختم ہو چکا تھا ۔ لے دے کر عرفان تھا یا مُحلّے میں ایک دو اور جماعت کے ساتھی جِن کے ساتھ وہ گفتگو کرتا ۔ لیکن اِس گفتگومیں طمانیت نہ تھی ۔  باتیں چندرسمی انگریزی جملوں یا چند انگریزی الفاظ  سے  آگے نہ بڑھ پاتیں ۔ یہ دیکھ کر اُسے ایک الگ صدمے کا احساس ہوا ۔ اب وہ انگریزی میں کہاں گفتگو کرے؟

نَوّے کی دہائی میں پٹنہ کے پوش علاقوں میں اچانک سپوکن انگریزی کوچنگ اور کمپیوٹر پروگرام کے کورسز کی بھرمار شروع ہوگئی ۔ راکیش نے ایک دو اشتہار کے بورڈ دیکھے تو اُس کے ذہن  میں یہ بات آئی کہ کیوں نہ ان جگہوں پر اپنی انگریزی آزمائی جائے۔ راکیش نے اُن اداروں میں جانا شروع کیا اور ریسپشن پر ہی ایسی انگریزی ٹھونکتا کہ سبھی سُننے والوں کو کچھ سمجھ میں نہ آتا۔ راکیش ایک ایک کا منہ تکتا کہ اُس نے فارسی تو نہیں بولی ہے۔

راکیش ایک سیدھا سا سوال جڑتا (وھاٹ اِز دا موڈیوُل آف یور کورس ؟) ۔ راکیش کے انگریزی فقرے   کوچنگ کے ڈائریکٹرں کے  پلےّ   نہ پڑتے ۔ وہ اپنا سر کھجاتے اور بہانہ بناتے ہوئے اپنے چیمبر سے باہر نکل جاتے۔ ریسپشن کی کم عمر خواتین داخل ہوتیں اور راکیش کے ہاتھوں کو پکڑ لیتیں اور کہتیں “کیسے ہیں سَر، کچھ چائے ٹھنڈا لیں گے کیا ؟”  ۔ راکیش نے جب اپنی آؤ بھگت دیکھی تو بغلیں بجانے لگتا۔

دھیرے دھیرے پورے شہر میں راکیش کی رعب دار انگریزی کا ڈنکا بجنے لگا ۔ کوچنگ والوں پر ہیبت طاری ہو گئی۔ راکیش کو دیکھتے ہی کوچنگ کا مالک اپنے خادموں کو بولتا “ارے شَٹَر گِرا شَٹَر” ۔ انہوں نے کوچنگ سنٹر کے پھاٹک پر ایک نئے ملازم کو رکھا جس کا محض یہ کام تھا کہ وہ راکیش کی آمد پر سبھی کو آگاہ کرے۔

راکیش پٹنہ کی سڑکوں پر لارڈ میکالے کے لسانی منصوبے کی ایک جیتی جاگتی تصویر تھا۔ راکیش کے خون اور گوشت میں ہندوستانی ثقافت کُوٹ کُوٹ کر بھری تھی لیکن انگریزی زبان سے وہ ایک انگلِش مین یا ملکہ وِکٹوریا کا تابع لگتا تھا۔ زبانِ انگلستان کےعشق کا خمار ایساچڑھا ہوا تھا کہ دیوانگی کے عالم میں انگریزی بولنے کے لیے بے چین رہتا ۔

راکیش جب ایک کوچنگ سنٹر سے نکلتا تو جارحانہ انداز میں دوسرے کا رُخ کرتا ۔

راکیش کو جس شام انگریزی بولنے کا موقع نہ ملتا تو وہ دُرشت آواز میں راہ چلتے لوگوں پر طنز کے تیر  پھینکتا۔ ایک بار تو اُس نے رات کی تاریکی کا فائدہ اُٹھاتے ہوئے ایک کافی بھاری بھرکم شخص کو پیچھے سے کرخت آواز میں کہا : “ابے او جٹ دھاری، کدھر جا رہا ہے بے ؟ ” اتنا سُننا تھا کہ اُس شخص کی چال لڑکھڑا گئی ۔ راکیش گھوڑے کی مانند  ہِنہِنا کر ہنسا ۔   اپنے  سینے کو ٹھونک کر بولا کہ” یہ ہمَّت انگریجی کی دین ہے”۔

راکیش کے حجرے میں انگریزی کتابیں، انگریزی رسائل کا ایک پلندہ پڑا رہتا۔ شاید وہ کباڑ کی دکان سے ان رَدِّیوں کو اُٹھا کر لے آتا کیونکہ یہ انگریزی میں تھے۔ جب کوئی دوست اُس کے گھر آتا تو وہ بہت خوش ہو کر اُسے اپنے کمرے میں لے جاتا اور ایک ایک رسالہ کھول کھول کر اُس کو دکھاتا اور  تفصیل  سے بتاتا کہ فلاں آئی اے ایس کو انگریزی کی وجہ سے کس طرح کامیابی ملی۔

رفتہ رفتہ راکیش کے کوچنگ سنٹروں کے  دورے میں کمی آتی گئی  کیونکہ شہر میں  کوئی ایسا کوچنگ سنٹر نہیں بچا تھا جہاں راکیش نے اپنے انگریزی کے جوہر نہ دکھائے ہوں ۔

اب راکیش کی عمر پچاسویں  برس کی طرف گامزن ہے ۔ وہ تجرّد کی زندگی گزار رہا ہے۔ گھر میں بُوڑھی ماں متمنّی ہے کہ گھر میں  بہو آئے مگر راکیش نے انگریزی کو ہی  عروسی درجہ دے دیا ہے۔

ختم شُد

Mujibur Rahman Sohail Azeem Abadi

par – Syed Muhammad Hasnain

Traduit de l’ourdou par – Shahzaman Haque

Inutile de lever votre lampe. Vous le connaissez, vous savez qui il est. C’est Sohail Azeem Abadi.

Teint hâlé, front large, sourcils noirs et une taille presque considérable… mais attendez un peu. Voici une question… Comment définir l’humour ? « UNE SENSATION D’INCONGRUITÉ EST À L’ORIGINE DU RIRE »

« Non monsieur. Dites-le en ourdou et illustrez avec un exemple »

« L’Incompatibilité ou l’impropriété de circonstances qui… »

« Non monsieur. Une définition simple en seulement deux mots — l’association d’éléments disproportionnés, comme… Akhtar Oranvi et Sohail Azeem Abadi s’embrassent dans une foule compacte après les prières de l’Aïd… »

___________________________________

Une petite foule s’était rassemblée près d’un marchand de glace sur une route menant à Muradpur. Cette foule en demi-cercle augmentait progressivement. Puis, six personnes se démarquèrent de cette assemblée et toutes se mirent à regarder une personne au milieu de cette foule. Je me suis avancé pour voir quel était le problème. Des voix s’élevaient alors.

« Entièrement infondé, félicitations, pas le temps, oui bien sûr, non mon cher, rien n’est impossible, je ne le trouve pas, il va falloir le changer, pourquoi pas, qu’est-ce que c’était, ce n’est pas facile, mon Dieu j’ai donné, allez mon frère, envoie-le simplement sans timbre… »

La conversation était assez étrange et totalement incohérente. Je ne comprenais rien à l’incident et je m’en suis donc approché. En m’approchant de la foule, j’ai commencé à regarder au-dessus des épaules des gens devant moi. Toutes les discussions portaient sur une seule personne. Sohail Azeem Abadi en faisait partie.

Cheveux en bataille, mine ravie, sourire aux lèvres et lui-même simplement ébouriffé, tels étaient les traits de l’apparence de Sohail. Les doigts de sa main droite étaient dissimulés dans la poche de son pantalon, et sa main pliée tenait un exemplaire de « Lénine et Marx » contre lui. Les doigts de son autre main dessinaient, séparaient et dessinaient à nouveau des cercles dans ses cheveux lisses, semblables à des fils de laine à tisser. Et sa main droite était entremêlée avec celle d’un vieil homme. Qui était en mouvement et qui était statique ? Difficile de le dire tant l’étreinte des bras était étroite, ils étaient comme enchevêtrés. Ses yeux étaient impatients de dire quelque chose, et ses sourcils noirs semblaient grandir et traverser le cercle de ses lunettes noires. Tous les regards de la foule observaient Sohail et ses deux yeux embrassaient toute l’assemblée. Tout le monde se parlait, la foule entière composait l’auditoire, mais seul Sohail était attentif. Parce que sa langue et ses yeux étaient en parfaite harmonie, l’une accompagnant les autres et inversement.

 « Où mon frère ? » Ses yeux m’ont repéré et il y a eu un appel « au revoir ». J’ai dit : « Assalamu alaykum » et, avançant vers lui, je me suis rapproché. Puis j’ai demandé, « Quand êtes-vous arrivé Monsieur Sohail ? »

« Je ne donne aucune importance à ce genre de personnes » me répondit-il. Je me suis tu. Puis la sentence est tombée, « Tabasse ce misérable. » Toute palabre eut été inutile, et tout s’est arrêté là.

___________________________________

Azeem Abad Patna est sa terre natale, il réside à Ranchi. Le service est son métier et la littérature son passe-temps. Il vient chez lui pour six à sept mois et s’en va dès qu’il arrive. En réalité, la vie et la mort, la mortalité et la survie constituent un mouvement vivant, qui s’éloigne et se rapproche de Sohail. Cette lampe bien connue attire les papillons de nuit vers elle, quand ils la voient de près — peut-être aurez-vous l’impression d’être incompris, car Sohail n’est pas une personne si incroyable, et n’a aucune coquetterie. Iqbal s’est adressé à la bougie après avoir ruminé sur la vie agitée du papillon de nuit et la vive lumière de la bougie ;

Votre coquetterie entretient son agitation,

Quelles mœurs d’amour lui avez-vous enseignées.

Même sans coquetterie, la présence de Sohail rend indubitablement les autres nerveux. Le dévouement à la littérature a remplacé les mœurs amoureuses et le voile de la profession et du passe-temps a transformé Sohail en Shakeel sous couvert de sincérité. Aucun doute que Sohail Azeem Abadi a non seulement accompli des réalisations décisives pour la publication et la propagation de sa langue dans la vaste région du Nagpur, mais il a aussi laissé des exemples vivants d’édition littéraire et de création dans toute l’Inde. Cette lumière brillante du Bihar devient encore plus lumineuse à son arrivée sur ses terres d’origine. Les yeux s’immobilisèrent complètement à la vue de Sohail à Patna. Même sans vouloir s’arrêter en voyant Sohail passer devant eux, les pieds inconsciemment se figent, et soudain ce gitan de quatre pieds et sept pouces de haut devient grand lettré, avant d’être encerclé par une foule. S’ensuit une conversation. Les applaudissements et la sincérité de la foule amènent la vision, l’ouïe et les perceptions de Sohail Azeem Abadi au plus près de son expression des plaintes et des responsabilités, et chaque interlocuteur s’agglutine à lui dans cet échange de répliques.

Sohail est un auteur de nouvelles, un poète du quotidien, un musulman traditionaliste et un socialiste religieux. Il mange les feuilles de bétel; non, plutôt, il le mange beaucoup et est également accro aux cigarettes. Il prend régulièrement le thé et écrit des histoires avec son cœur. Malgré cela, Sohail est socialiste parce qu’il porte une robe ; plus exactement une robe très ordinaire, il voyage en wagon de troisième classe sans aucune formalité, et est une personne très généreuse, bienveillante et aimante.

Sohail a amélioré son statut dans les nouvelles ourdoues au même titre qu’Ahmad Nadeem Qasmi, Sudrashan et Prem Chand. Tous ces artistes ont créé un créneau particulier, Prem Chand le premier. Le Punjab agricole est luxuriant avec Ahmad Nadeem Qasmi. Les terres rurales de Bihari sont très fertiles avec Sohail Azeem Abadi et les villages paisibles du nord de l’Inde sont très agréables avec Munshi Prem Chand. L’œil aiguisé de Sohail Azeem Abadi voit la beauté dans ce qui semble être laid et présente la laideur comme quelque chose de beau. La paix des colonies, le chagrin et le bonheur des villages, leur mode de vie simple, la barbarie des propriétaires terriens, le fascisme des bureaucrates et l’attitude impérialiste des fonctionnaires du gouvernement sont les sujets de ses nouvelles, et les écrits de ses nouvelles se font l’écho de ces questions. La vie racontée par Sohail est à la fois agréable et signifiante.